நிகழ்ச்சி திட்டமிடல் ஸ்டார்ட் அப் நிறுவனம் டிக்கெட்9 (Ticket9 ) முன்னணி நட்சத்திரம் நயன்தாரா மற்றும் இயக்குனர் விக்னேஷ் சிவனிடம் இருந்து நிதி பெற்றுள்ளதாக தெரிவித்துள்ளது. நிறுவன பயணத்தில், நயன்தாரா, விக்னேஷ் சிவன் தம்பதியின் முதலீடு முக்கிய மைல்கல்லாக அமைவதாகவும் நிறுவனம் தெரிவித்துள்ளது.
ஏற்கனவே முக்கிய முதலீட்டாளர்களிடம் இருந்து ப்ரீ சீட் நிதியாக 2,00,000 டாலர் திரட்டிய டிக்கெட்9, தற்போது கிடைத்துள்ள வெளியிடப்படாத புதிய முதலீட்டை தனது தொழில்நுட்ப உள்கட்டமைப்பை வலுவாக்க பயன்படுத்திக்கொள்ள இருப்பதாகத் தெரிவித்துள்ளது.
நட்சத்திர தம்பதியின் ஆதரவு டிக்கெட்9 நிறுவனத்தின் வளர்ச்சிக்கு மேலும் உதவும் என்று கருதப்படுகிறது.
“நயன்தாரா மற்றும் விக்னேஷ் சிவனின் முதலீடு பெறுவது உற்சாகம் அளிக்கிறது. அவர்களை முதலீட்டாளர்களாக வரவேற்கிறோம். எங்கள் நிறுவனத்தில் அவர்கள் கொண்டுள்ள நம்பிக்கை, நிகழ்ச்சி திட்டமிடல் மற்றும் பொழுதுபோக்கு பரப்பில் எங்கள் ஈடுப்பாட்டை மேலும் உறுதியாக்கும்,” என்று டிக்கெட்9 சி.இ.ஓ யாழினி சண்முகம் கூறியுள்ளார்.
யாழினி சண்முகம் மற்றும் சந்தோஷ் பிரேம்ராஜ் ஆகிய இருவரால் தொடங்கப்பட்ட ஸ்டார்ட்-அப் டிக்கெட்9 கோவையை தலைமையிடமாகக் கொண்டுள்ளது. இவர்கள் எல்லா வகையான நிகழ்ச்சிகளையும் திட்டமிட்டு, நிர்வகிக்க உதவும் சாஸ் மேடையாக விளங்குகின்றனர். தற்போது நிகழ்நேர நிகழ்ச்சிகளில் நிறுவனம் கவனம் செலுத்தி வருகிறது. பயனாளிகள் அருகாமை நிகழ்வுகளை கண்டறிய உதவுகிறது. எதிர்காலத்தில், திரைப்பட டிக்கெட் சேவையிலும் ஈடுபடலாம் என எதிர்பார்க்கப்படுகிறது.
“நிகழ்ச்சிகள் மற்றும் பொழுதுபோக்குத் துறையில் டிக்கெட்9 துடிப்பான நிறுவனமாக விளங்குகிறது. இந்நிறுவனம் யூனிகார்னாக வளரும் என நம்பிக்கை உள்ளது,” என்று இயக்குனர் விக்னேஷ் சிவன் கூறியுள்ளார்.
இந்தியாவில் பொழுதுபோக்குத் துறை வேகமாக மாறி வருகிறது. தொழில்நுட்பம்; மக்கள் நிகழ்ச்சிகளை அணுகும் விதத்தை மாற்றி அமைத்து வருகிறது. புதுமையான சேவை மூலம் இந்த மாற்றத்தை முன்னெடுப்பதில் நாங்களும் பங்களிக்கிறோம், என இணை நிறுவனர் சந்தோஷ் பிரேம்ராஜ் கூறினார்.
85 வயதிலும் கலக்கும் குவிஸ் மாஸ்டர் - எண்ணற்ற போட்டிகள்; கோப்பைகள் வென்ற சரண்யா ஜெயகுமார்! தீரா ஆர்வத்துடன் கூடிய…
8-வது ஃபெயில்; இன்று நிகர மதிப்பு $1 பில்லியன் - வங்கித்துறையில் சஞ்சய் அகர்வால் சாதித்தது எப்படி? பள்ளிப் படிப்பில்…
'மோகன்லால் முதல் பிரபலங்கள் வரை' - கெத்துகாட்டும் கேரள லேடி பவுன்சர் அனு குஞ்சுமோன்! மலையாள சூப்பர் ஸ்டாரான மோகன்லால்…
நாளொன்றுக்கு 6 மில்லியன் சிகரெட் துண்டுகள்; மறுசுழற்சி செய்து சூழலைக் காக்கும் சகோதர்கள் சிகரெட் பிடிப்பது பிடிப்பவர்களுடன் சேர்த்து, சுற்றியிப்பவர்களுக்கும்…
Written by Pradeep Kumar | FounderStorys.com Today in Coimbatore, when someone says “Rajesh & Tile…
நிலத்தில் இருந்தே எழுந்தவர்: ‘ராஜேஷ் அண்ட் டைல் வார்க்’ நிறுவனர் திரு. ராஜேஷ் குமார் பிரதீப் குமார் எழுதுகிறார் |…